Онтохоной сценари.
Автор: Урдын урда сагта…
Будамшуугай наадажа ябаха уедэ…
Нэгэтэ ой модон соо
иимэ ушар болоhон байна….
Харагты даа нухэд.
1. Теневой театр: Эндэ Ямаанай эшэгэдээрээ ой модон соо ерэжэ байхые харуулна.
2. Шоно гуйжэ гарана. Улэн, эдихэ юумэ бэдэрнэ.
3. Ямаан эшэгэдээрээ, ой модон соо байхаяа гэр барижа тубхинэбэ.
Ямаан: Бороондошье норохогуйбди,
Дайсандашье абтахагуйбди.
Эшэгэд: Бороондошье норохогуйбди,
Дайсандашье абтахагуйбди,
Эжытэеэ хамтадаа
Байхабди даа бултадаа…
Гэрээ тойрожо эшэгэд хухилдэнэ, хатарна, наадана. Эжынь харгыда гарахаяа тухеэрнэ.
Ямаан: Эшэгэд гэртээ орогты!
Уудээ бухоор тулагты!
Эшэгэд: Эжы бидэ таниигаа,
Хулеэн бэрхээр байхабди
Уудээ нээжэ болохогуй
-гэжэ мэдээд байнабди
Ямаан худоо хубшоор ябана. Шэмэтээ ногоо туугээд гэртээ харижа ерэнэ.
Ямаан: Аяар холоhоо ерэбэб
Амтатай hумбэй асарбаб
Тургэн уудээ тайлагты
Тэбэрин эжыгээ угтагты
Эшэгэд: Эжы,эжы, манай эжы!!!
Ямар hумбэй амтатайб
Ямар ногоон шэмэтэйб.
hайн даа, бии садааб!!!!
Энэ уедэ арьяатан шоно ябажа ябатараа, ямаан ба эшэгэдые обеоржо харажархина. Ямаанай ябаhан хойно, эшэгэдые барижа эдихэеэ зубшообэ.
Шоно: Ямар гоехон ямаахад бэ!!!
Ямар томохон амаахад бэ!!!
Амтатайхан байха даа аргагуй,
Амталаад узэхэб даа заатагуй.
Байза, байза, байза.!!!
Гэртэ дутэлжэ ерээд, ямаанай дууе дуулажа туршана.
Аяар холоhоо ерэбэб
Амтатай hумбэй асарбаб
Тургэн уудээ тайлагты
Тэбэрин эжыгээ угтагты
Эшэгэд: Угы даа, угы.
Эжын хоолойш хонгеохон лэ
Эжын шарайш зоолэхэн лэ.
Шоно буруу дуулаhанаа ойлгожо, дууша эрэ тахяада ошожо хоолойгоо хонгео болгохо гэжэ шиидэбэ.
Шоно: Эй! Эрэ тахяа!!! Эрэ тахяа!!!
Эрэ тахяа туhалыш!!!
Хоолойем хонгео болгыш.
Эрэ тахяа морин хуур дээрэ наадажа hууhанаа, шонын шангаар хашхархада, арай дуулажа, эрьежэ харана.
Эрэ тахяа: Зай!!! Зай!!!
Дуулаха хэрэгтээл даа, шоно.
Дабтахал хэрэгтээл даа, шоно.
Зай дабта: - hа-hа-hаа
- hо-hо-hоо.
- hу-hу-hуу.
Шоно: –Зай болоо,болоо. – гээд, эшэгэдээ гэртэ эрьежэ ерээд, эжын зоолэн, хонгео хоолойгоор дуулаба, эшэгэд гэрhээнь гаража ябатараа шонодо баригдашана. Нэгэ шуран жаахан ямаахай гэртээ хоргодожо урдинэ.
Шоно: -Ооо, амтатайшье гээшэнь аргагуй даа. – гээд, гудэhоо эльбэн ябашана.
Ямаан гэртээ бусажа ерээд, дуугаа дуулахадань, ганса нэгэ эшэгэниинь гаража ерээд, эжыдээ шоно тухай дуулгана:
-Арьяатан шоно ерэжэ
Аймшагтай ушар болобо,
Амхажа эшэгэдые бултыень
Эдижэ залдижа хосорообо.
Ямаан: Минии эбэр хурсахан
Улэн шоно тэнэгхэн.
Теневой театр: Ямаанай шонотой тулалдахые, эшэгэдээ абархынь харуулха.
Шоно: Болеоб, дахин, болеоб
Хулисыт намайгаа, хулисыт.
Эбтэй булта ябая.
Хамта сугтаа наадая.
Комментариев нет:
Отправить комментарий