НЭГЭДЭЛ

 2019 оной театрай жэлдэ зорюулагдаһан аймагай Фестиваль.

«Театрайүхибүүд03» гэhэн сетевой проектын тусэбѳѳр, мартын 21-дэ «№104 «Зорька» сэсэрлигтэ», Совет аймагай  сэсэрлигэй хүүгэдэй театрай фестиваль, буряад хэлэн дээрэ үнгэргэгдэбэ.  

Оюун бэлигтэй хүмүүжүүлэгшэд үхибүүдэй театртай танилсуулжа, гоеор хэлэжэ, наадажа һургаад, һонин зүжэгүүдые табижа харуулаа.

 №5 «Хрусталик» сэсэрлигэй үхибүүд «Гэрхэн» гэжэ зүжэг харагшадай анхаралда табиба,  №15 «һолонго» сэсэрлигэй бүлгэм ород арадай онтохо оршуулаад, «Хун шубууд - галуунууд»  гэһэн зужэг табижа һонирхуулаа, №52  сэсэрлигэй «Шэдитэй бэрхэшүүл» гэжэ хүүгэдэй театральна бүлгэм,  Элбэг Манзаровай  зохеолоор  «Муу амата» гэжэ зүжэг бэлэглэбэ,  «Монсогор монсуудай, шанаhан түхэреэхэн» - гэһэн онтохо «Колобок» сэсэрлигэй хүмүүжүүлэгшэ, ехэ һонирхолтойгоор зүжэг табижа, үхибүүдээрээ гүйсэдхөө, № 38 «Малинка» сэсэрлигэй үхибүүдэй бүлгэм «Борбилоо» тухай басни,  «Тэхэ бабанын түүхэ» -  №35 «Алые паруса» ба «Мура багша» - гэжэ урданай буряад онтохо «Зорька» сэсэрлигэй үхибүүд харуулба.

Долоон сэсэрлигэй зүжэгүүд сооһоо эгээл һонин, эгээл дабташагүй гое, хүнүүдэй дура татаха,  гурбан лэ зүжэгүүд  тэмдэглэгдэхэ гэжэ гол зорилго табигдаhан байгаа.  

Энэ аймагай фестивальда илажа гараhан бүлгэмууд, мартын 26-да  үдэрээ гурбан сагта, Кэпитал молл соо Хотын фестивальда бэлиг шадабарияа, зүжэгөө, үхибүүдтэеэ ошожо харуулха аргатай болохо юм. 

Тиихэдээ,  энэ  эмхидхэһэн хэмжээ ябуулга, хүмүүжүүлэгшэдтэ ба үхибүүдтэ ехэ гое арга боломжо үгтэбэ гэжэ һанагдана.  Бэе бэеэ харалсажа, арга  шадалаа  үзэлсэжэ, бэлдэhэн  зүжэгүүдээрээ андалдажа байхадаа, саашадаа багшанарай ажал ушөө зорилго ехэтэйгээр, амжалтатайгаар дэмжэгдэхэ гэжэ найдагдана.